Mércores 25 de Novembro de 2020

Turismo de Galicia promove a práctica do golf na Comunidade galega co patrocinio do torneo ‘Ponte de agosto’


O campo do Balneario de Mondariz acolleu esta proba que desenvolveuse en dúas probas, unha individual e outra en parellas

A promoción do turismo de golf por parte de Turismo de Galicia estivo presente estes días na Comunidade galega co patrocinio do torneo ‘Ponte de agosto’ que celebrouse ata o día de hoxe nas instalacións do Balneario de Mondariz.

A competición desenvolveuse en dúas probas, unha individual e outra en parellas cuxa puntuación acumulada entre ambas as dúas determina o gañador final.

A achega de Turismo de Galicia, inclúe un premio ao mellor clasificado en categoría sénior. Ademais, entre as accións para promover este deporte entre o xogadores habituais, o departamento de Turismo da Xunta contou con presenza en lugares preferentes do campo no que se estableceron soportes publicitarios específicos.

Como principais obxectivos de Turismo de Galicia para desenvolver esta acción de promoción destacan o posicionamento da Comunidade galega como destino para o xogador de golf, atraer os golfistas nacionais para que visiten Galicia, facilitar a comercialización do produto mediante a súa introdución nas canles de comercialización, servir de enlace entre a industria do golf e a industria turística local, e facilitar a presentación da oferta de campos e de servizos turísticos mediante un produto estratexicamente diferenciado.

IX Circuíto CENOR Camiño de Santiago
Por outra parte, neste ámbito, Turismo de Galicia colabora tamén cun acordo de patrocinio do IX Circuíto CENOR Camiño de Santiago, que se celebra entre os meses de abril e setembro en distintos campos de Navarra, País Vasco, Cantabria, Asturias e Galicia.

Así, Turismo de Galicia ten presenza nos diferentes materiais de promoción e difusión do Circuíto así como nas comunicacións oficiais, os contidos das contas das redes sociais do torneo, así como nunha páxina web específica da competición.

Turismo de Galicia, pola súa parte, premia á mellor parella sénior nas probas que se celebran fóra de Galicia.