Venres 15 de Decembro de 2017

O Concello de Lousame porá a disposición da veciñanza persoal especializado para aclarar dúbidas en relación á regularización catastral


O Concelo de Lousame porá persoal especializado a disposición de todos os seus veciños e veciñas que lles axudarán e lles resolverán calquera dúbida en relación co proceso de regularización catastral que a Dirección Xeral do Catastro está levando a cabo no municipio. Estes especialistas estarán a disposición dos veciños entre o 2 e o 15 de maio, no salón de plenos do Concello.

A atención ao público será tanto en horario de mañá, de 10:00 a 14:00 horas, como de tarde, de 16:00 a 18:00 horas. Aínda que non é preciso pedir cita previa para acceder a este servizo especial, dende o Concello de Lousame facilitarán tamén a posibilidade de acordar cita previa para aquelas familias que, por motivos de traballo ou conciliación familiar, teñan problemas para acudir no horario fixado. Para iso deberán chamar ao Concello de Lousame, 981 820 494).

Esta decisión prodúcese despois de que a Dirección Xeral do Catastro determinase que o procedemento de regularización catastral en Lousame tería lugar entre o 22 de febreiro de 2016 e ata o 30 de xullo de 2017, canda outros trece municipios da provincia: Abegondo, Arteixo, Camariñas, Cambre, Carballo, Cee, Narón, Negreira, Ordes, Padrón, Pontedeume, Rianxo e Santiago de Compostela.