Sábado 15 de Decembro de 2018

A Escola Municipal de Música de Lousame abre o período de admisión de novo alumnado


A Escola Municipal de Música de Lousame abre o período de reserva de matrícula de novo alumnado para o curso 2018/2019, un proceso que estará aberto ata o vindeiro 30 de xuño. Unhas inscricións que deberán formalizarse no Concello de Lousame, teléfono 981 825 780. A matrícula é de balde e a escola emprestará os instrumentos ao alumnado.

As modalidades ofertadas este ano inclúen música e movemento, inicio de linguaxe musical, linguaxe musical, educación auditiva e vogal, frauta, oboe, clarinete, saxofón, trompa, trompeta, trombón, bombardino, tuba, percusión, piano e guitarra. Tamén se ofrece a posibilidade de preparar probas para a entrada en conservatorios. A Escola Municipal de Música lousamiá conta con profesores licenciados e dispón tamén dunha Banda Infantil, na que os rapaces e rapazas poñen en práctica as ensinanzas aprendidas ao longo do curso.