Sábado 20 de Outubro de 2018

Andaina Pro Saúde Mental xa conta coa súa nova furgoneta


Andaina Pro Saúde Mental conta xa con medio de transporte propio. Trátase dunha nova furgoneta que se adicará ao traslado de usuarios e voluntarios nos seus traxectos, tanto para dirixirxe as súas sedes de Ordes e Dodro como para as excursións e visitas a puntos de interés. O novo vehículo está rotulado co logo da asociación, números de teléfono e o seu enderezo electrónico.
Deste xeito dase resposta a unha das necesidades máis acuciantes que presentaba a asociación, a do traslado tanto de voluntarios, usuarios e material. Para a súa adquisición Andaina Pro Saúde Mental contou coa colaboración da Deputación da Coruña, quen lle outorgou unha subvención que ascendeu a 8.000 euros.