Martes 12 de Novembro de 2019

A VIII Feira de Oportunidades do Concello de Ordes terá lugar do 14 ao 16 deste mes


 

Situarase no primeiro andar da Praza de Abastos. En total participarán 13 establecementos comerciais con grandes ofertas en roupa, calzado, decoración, deporte e complementos. Habilitarase un recuncho infantil

Un ano máis a Praza de Abastos será o escenario para unha nova feira de oportunidades, a cal se desenvolverá do 14 ao 16 de febreiro. Concretamente será a oitava edición deste evento no que se poderán mercar ao mellor prezo pezas de roupa, obxectos de decoración, calzado etc. O horario de apertura irá de 10 a 14 horas e de 16.30 a 20.30 horas.

Nesta nova edición as firmas participantes son: Alfombra Roja (zapatería), Blanco Moda (infantil e xuvenil), Carma (zapatería), Chic (moda muller), Dress (moda muller), Juan Carlos Varela (moda infantil), Mis Personajes (xoguetería), Muxa (moda muller), Peteiro (decoración), Arco Iris (mercería), Dana e Aine (complementos), Numa (moda muller) e Sportec (deportes).

Ademais, a organización deste evento ten previsto un curruncho infantil para as persoas que visiten a feira. Este servizo estará dispoñible o xoves e o venres de 18 a 20 horas. O sábado este horario ampliarase de 18 a 20 horas.

A VIII Feira de Oportunidades está organizada polo Concello de Ordes.