Mércores 11 de Decembro de 2019

Charla sobre toponimia galega en Ordes


 

Vicente Feijoo, especialista en toponimia e membro do Seminario de Onomástica da Real Academia Galega (RAG), ofreceu unha charla sobre toponimia galega en Ordes. A cita formaba parte do itinerario da campaña Toponimízate e tivo lugar na tarde de onte na Casa da Cultura. Ata alí se achegou a presidenta da Mancomunidade de Ordes, organizadora desta charla a través do Servizo de Normalización Lingüística (SNL). Grazas a ela o público asistente tivo ocasión de aprender aspectos relacionados co galego falado e cos hábitos de vida antigos, cos feitos históricos e sobre a influencia da paisaxe á hora de denominar unha zona. Toponimízate está promovido pola Secretaría Xeral de Política Lingüística a través do proxecto europeo GEOARPAD.