Mércores 17 de Outubro de 2018

A Deputación formaliza o seu compromiso co concello de Cabanas para cubrir a bancada do Campo de Fútbol de A Veiga


O proxecto inclúe a instalación dunha cuberta ao longo de 447 metros cadrados e a reposición da rede ao longo de todo o recinto

O presidente da Deputación da Coruña, Diego Calvo, asinou un convenio de colaboración co alcalde de Cabanas, Germán Castrillón Permuy, que permite a achega de 32.790,64 euros para cubrir as bancadas do campo de fútbol de A Veiga.

Trátase dun acordo aprobado no pleno ordinario de decembro e polo que a institución provincial asume o custe total da actuación que permitirá aos residentes no concello dispor de mellores equipamentos deportivos.

Ademais da obra de instalación da cuberta de 447 metros cadrados, unha vez rematados os traballos se repoñerá a rede de parabalóns ao longo de todo o perímetro do campo.

A Deputación colabora con este tipo de actuacións en distintos concellos da provincia coa intención de que os veciños e veciñas do entorno poidan gozar dos eventos deportivos en boas condicións.